Түркістан облысында жылқы сойған жігіт сібір жарасын жұқтырған

Түркістан облысының Төле би ауданында жылқы сойған жігіт сібір жарасын жұқтырды. Облыстық Санитарлық-эпидемиялогиялық бақылау департаментінің мәліметінше, Ақайдар ауылының тұрғыны қолына жара шығып, ауруханаға жатқызылған. Кейіннен алынған сынамалар қорытындысы оның жұқпалы ауруды жұқтырғанын растаған. Оның жанында болған он адам да тексерілгенімен, ауру белгілері анықталмады. СЭС мамандары тексеру жүргізу барысында сойылған малға екпе жасалмағаны белгілі болды. Абырой болғанда ет жан-жаққа тарап кетпей, залалсыздандыруға алынды. Қазір осы жағдай бақылауға алынып, тексеру жалғасуда.

Ақерке Мақұлбекқызы, Түркістан облыстық Санэпидемиологиялық бақылау департаменті басшысының орынбасары:

Еттің ізімен жүріп, біз зерттеу жұмыстарын жүргіздік. Етті тасыған автомобиль, барған жерін - барлық ізіне полицияға да салдық. Таратып үлгермеген, себебі ол оны бүтіндей өткізіп жіберемін деп ойлаған болса керек. Сақталған жерінен табылды.