Мемлекеттік кеңесші Президент тапсырмаларының орындалуы жайында жиын өткізді

Елімізде «Қазақстан балалары» бірыңғай бағдарламасы дайындалып жатыр. Бұл туралы Мемлекеттік кеңесші Ерлан Қариннің төрағалығымен өткен жиында айтылды. Бағдарламаны ашуды Ұлттық құрылтайдың IV отырысында Президент ұсынған еді. Бүгінде ішкі саясат, мәдени мұра, ерекше қажеттілігі бар балаларды қолдау және басқа да салаларға қатысты жоспар мен заңнамалық нормалар әзірленіп жатыр. Ерлан Қарин Мемлекет басшысының Ұлттық құрылтайда жариялаған реформалары әлеуметтік-мәдени жобалардан бастап, экономикалық және инфрақұрылымдық бастамаларға дейінгі түрлі бағыт бойынша жүзеге асырылып жатқанын айтты.