LRT-ның келесі бағыты Қосшы қаласына дейін салынады

LRT-ның келесі саласы Қосшы қаласына дейін тартылады. Астана әкімі Жеңіс Қасымбек осылай деді. Әуежайдан «Нұрлы жол» вокзалына дейінгі бағыттағы құрылыс қазір аяқталуға жақын. Келер жылы толық іске қосылмақ. Қосшыға дейін тартылатын тармақтың біраз бөлігі жер үстімен жүргізіледі. Құрылысы шамамен 1,5 жылдың ішінде аяқталады. Ал үшінші кезекте Сығанақ көшесіндегі бағыт созылып, Тұран көшесі арқылы оң жағалауға өтіп, ескі вокзалға дейін барады. Әкімнің айтуынша, құрылыс қарыз алу арқылы қаржыландырылуы мүмкін.