Өзбекстанда заңсыз дәрі-дәрмекке бақылау күшейеді

Өзбекстанда дәрі-дәрмектің заңсыз айналымына тосқауыл қойылады. Соңғы үш жылда 18 мыңнан астам тұрғын дәріден уланып, оның 177-сі қайтыс болған.

Енді арнайы рецепт бойынша берілетін дәрілерді заңсыз босатқандар мен оны рұқсатсыз пайдаланған азаматтарға жауапкершілік күшейеді. Яғни, мұндай әрекет үшін салынатын айыппұл мөлшері 41 млн сумға дейін өседі. Бұл шамамен 3,5 мың АҚШ доллары. Құрамында күшті әсер ететін заттары бар препараттар үшін айыппұл бұдан екі есе артады. Жаңа ереже дәрі-дәрмек саудасына бақылауды күшейтіп, дәріханалардың жауапкершілігін арттыруды көздейді. Ең бастысы медицина саласының дамуына ықпал етпек.