Жарақат алғандардың барлығы облыс орталығына жеткізілді

12 адамның өмірін жалмаған жол апатында жарақат алғандардың барлығы Ақтөбе қаласына жеткізілді. Олардың бесеуі жан сақтау бөлімінде жатыр. Тағы бірі комада.

Жол апаты өткен аптада Әйтеке би ауданының аумағында болған еді. Жүк көлігі қарсы бағытқа шығып кетіп, Жүргенов ауылынан келе жатқан  шағын автобусқа соққан. 10 жолаушы мен 2 жүргізуші сол жерде қаза тапты. Алты адам Хромтау қаласына жеткізілді. Жол апатынан кейін Үкіметтік комиссия құрылды. Зардап шеккендердің бірі – бала. Оларға телемедицина арқылы астаналық білікті дәрігерлер көмектесіп жатыр.

Әділет Жетібай, Дәрігер-травматолог:

Үш науқас көптік жарақат бөлімшесінде ем қабылдауда, жағдайлары орташа ауыр. Бір науқас жансақтау бөлімшесінде, жағдайы тұрақты ауыр, ем қабылдауда.