Басты Жаңалықтар Шымкентте батпырауықтар фестивалі өтті

Шымкентте батпырауықтар фестивалі өтті

28.10.2025 17:30

Шымкентте батпырауықтар фестивалі өтті. Мерекелік шарада креативті индустрия өкілдері мен қолөнер шеберлері өз туындыларын көпшіліктің назарына ұсынды.

Әуелей ұшқан алуан түсті мыңнан астам батпырауық көкке желбірегенде көздің жауын алады. Мерекені тамашалауға келген балалар үшін түрлі қойылымдар мен ойын-сауық бағдарламалары ұйымдастырылды.

Ақжан Тұрлыбекова, қала тұрғыны:

Бала-шағамызбен бірге батпырауық ұшырып жүрміз. Осындай демалыс уақыттарында балаларымызды осындай жерге алып келеміз, ойнатамыз. Балаларымыз қуанады.

Шара аясындағы мото-маусымның жабылуына Орталық Азия елдерінен екі жүзге жуық байкер шақыртылды. Ал шығармашыл жастар мен қолөнер шеберлері өз еңбектерін таныстырды.

Бүбіхадиша Жетібаева, қолөнер шебері:

Құрағымызды бұрынғы аналарымыз шашпай, төкпей берді ғой. Соны келесі ұрпаққа мирас етіп тапсырғымыз келеді. Ине-жіп қыз баланы тәрбиелейді ғой. Қыздарымыз тәртіпті, ибалы, сабырлы болса деген ниетпен сол кісілерге үйретіп отырамыз.

Ерлан Омаров, «Visit Shymkent» туристік ақпарат орталығының басшысы:

Жылда ұйымдастыратын болсақ, халықтың көңілін көтеру үшін, енді бір фестивальден туристер ағыны толып келмесе де, жыл сайын осындай фестиваль өтеді деген сияқты бір үрдісті қалыптастырғымыз келеді.