Қарағанды облысында күнбағыс майын өндіру үш есе артты

Қарағандыда ұн комбинатының өндірістік қуатын кеңейту жұмыстары аяқталды. Соның арқасында күнбағыс майын өндіру жылына 450 тоннадан 1500 тоннаға дейін өскен. Биыл өңірде 78 гектар жерге майлы дақылдар егілді. Мемлекет субсидиялаған инвестициялық жобаның арқасында енді астықтың біршама бөлігі жергілікті өндіріске саудаланбақ. Биыл елімізде 595 мың тонна өсімдік майы өндірілген, былтырмен салыстырғанда 27 пайызға артық.

Жәмилә Жақсыбекова, облыстық Ауыл шаруашылығы басқармасының бөлім басшысы:

Бүгінде астық жинау науқаны аяқталды. Майлы дақылдарды жергілікті өндіріске саудалайтын шаруаларға қосымша ақы төленуде. Қазіргі таңда 2 шаруа қожалығы субсидия арқылы қосымша қаржы алды. Осы арқылы біз жергілікті тамақ өнеркәсібін дамытамыз.