Абай облысында Республика күніне орай жеңілдіктер акциясы өтіп жатыр

Абай облысында Республика күніне орай «Republic Day» атты жеңілдіктер акциясы басталды. 24 -27 қазан аралығында өңірдің сауда үйлері мен дүкендерінде тауар бағасы төмендетіліп сатылмақ. Азық-түліктен бастап, киім-кешек, тұрмыстық заттардың құны арзандаған. Акцияға әсіресе қаладағы ең ірі сауда орындары ат салысып жатыр. Семейден бөлек, Аягөз, Курчатов қаласы, сондай-ақ аудандардағы кәсіпкерлер қолдау білдірген. Бизнес өкілдерінің айтуынша, мұндай науқан ішкі сауданы жандандырып, сатып алушылар санын көбейтеді. Тұрғындар акция кезінде дүкендерде, сондай-ақ онлайн платформаларда тиімді ұсыныстарды пайдалана алады.

Әділет Исламов, Кәсіпкерлік басқармасының бөлім басшысы:

10 пайыздан 30 пайызға дейін. Кейбір ірі сауда үйлерінде тіпті одан да жоғары сауда жасалып жатыр. Бұл халықты әлеуметтік қолдау және өздерінің бюджеттеріне сәйкес сапалы тауарларға қол жеткізу тәсілі деп есептейміз.