Елордалық оқушылар теміржол қауіпсіздігін арттыратын инновациялық жоба ұсынды

Елордалық 11-сынып оқушылары Дінмұхамед Матай мен Әмір Жәнібек, теміржол инфрақұрылымының қауіпсіздігі мен тиімділігін арттыратын инновациялық жоба ұсынды. «Қазақстан Темір жолы» компаниясының ақпаратынша, 4 жоба шу деңгейін, рельстің тозуын және апатты азайтуға бағытталған, сонымен қатар пайдалану шығындарын айтарлықтай үнемдеуге мүмкіндік бермек. Бүгінде бастама Қазақстанда патенттеліп, Женевадағы халықаралық тіркеуге жіберілді. Сондай-ақ, Нью-Йорктегі халықаралық олимпиадаға ұсынылған. Компания басшылығы инженерлік тәсілге оң баға беріп, жобаны дамытуға жәрдемдесетінін жеткізді.