«Алматы-Бішкек» тасжолы қоқыстан тазартылды

«Алматы-Бішкек» тасжолының Алматы облысындағы аумағы қоқыстан тазартылды. «Таза Қазақстан» эко науқаны аясында жол бойындағы тұрмыстық қатты қалдықтар жиналып, 2 тоннадай қоқыс шығарылды. Іс-шараға 50-ден аса адам қатысып, 10-ға жуық техника жұмылдырылды. Акцияға еріктілер, белсенділер мен жергілікті тұрғындар атсалысты.

Бекжан Сүнбеков, Қарасай аудандық мәслихат депутаты:

«Таза Қазақстан» эко акциясының басты мақсаты - тек қана қоқыс жинап қоймай, адамның рухани дамуы, рухани жаңғыруы, жалпы, адамның өзінің ой-санасының жаңаруы дегенді білдіреді. Бұл шара ауылдық округтерден, аудан, облыс, республика деңгейінде ұйымдастырылып отыр.