Өзбек ағайын мерекемен құттықтады

Республика күніне орай құттықтау лебізін білдіріп, ізгі тілектерін арнап жатқан шетелдіктер аз емес. Олардың қатарында бауырлас әрі көрші ел Өзбекстандағы лауазым иелері де бар. 

Шавкат Хамроев, Өзбекстан Республикасының су шаруашылығы министрі:

Тәуелсіздік декларациясының қабылданғанына 35 жыл толып отыр екен. Бұл кішігірім мерейтой деп білемін. Осынау ел тарихындағы маңызды мерекемен барша қазақстандықтарды құттықтап, ізгі тілегімді жолдаймын. Мемлекеттеріміз арасындағы тату көршілік, достық қарым-қатынас нығая берсін. Тәуелсіздіктің тұғыры биік болсын.