Қазақстан – цифрлық технология саласында көшбасшы

Қазақстан Орталық Азия аймағында цифрлық технология саласында көшбасшыға айналды.

Лондонда өткен Тұрақты болашақ форумында киберқауіпсіздік пен цифрлық трансформация саласының сарапшысы Эрик Лэйкин осылай деді.

Ол Қазақстанның халықаралық ынтымақтастық аясында түрлі инновацияларды жедел іске асырып, батыл қадам жасап келе жатқанын атап өтті. Бұған дейін елімізге бес рет келген Эрик Лэйкин қазақ халқының қонақжай екенін айта келе, Республика күнімен құттықтады.

Эрик Лэйкин, Global Data Risk компаниясының бас директоры:

Бұл – ерекше күн және сіздер мақтан тұтуға әбден лайық елде тұрып жатсыздар. Америкалық ретінде мен бұл сезімді жақсы түсінемін. 4 шілдеде біздің де кеудемізді мақтаныш сезімі кернейді.