Жанармай бағасына енгізілген мораторий көктемге дейін жалғасады

АИ-92 маркалы бензин мен дизель отынының бағасын өсіруге енгізілген мораторий келесі жылдың көктеміне дейін жалғасады. Мұны Премьер-министрдің орынбасары – Ұлттық экономика министрі Серік Жұманғарин айтты. Оның сөзінше, Қазақстанда бензин арзан саудаланса, шекарадан оны заңсыз өткізетіндер көбейеді. Олар түрлі схемаларды қолданып, өзіміздің өнімді елімізге қайта әкеліп, қымбат бағада сатады.

Cерік Жұманғарин, ҚР Премьер-министрінің орынбасары-Ұлттық экономика министрі:

Қазір көптеген елде бензин тапшылығы бар. Сондықтан нарықты бақылап отырамыз. Алдағы уақытта баға соған қарай өзгеріп отырады. Бірақ кемінде көктемге дейін анық өспейді.