Атырауда «Береке Fest» акциясы ұйымдастырылды

Атырауда Республика күні қарсаңында «Береке Fest» акциясы ұйымдастырылып, тауарлар 30 пайыз төмен бағада сатылып жатыр. Науқанға 4 сауда орны мен 60-қа жуық ірі маркет қолдау көрсеткен. Басты мақсат – отандық өнімге деген сұранысты арттырып, азық-түлік бағасын тұрақтандыру. Әлеуметтік маңызы бар нан, макарон, кондитер, сүт өнімдері секілді 100-ге жуық тауар дүкен сөрелеріне қойылған. Акция қазан айының соңына дейін жалғасады. 

Нина Свечникова, Атырау тұрғыны:

Акциямен берілгенін әрине құптаймыз. Енді одан да арзан болса, тіпті жақсы болар еді. Күнкөріске қажетті азық-түліктің бәріне жеңілдік бар екен.

Самат Емберген, облыстық Сауда және тұтынушылардың құқын қорғау департаментінің басшысы:

24-25 қазанда тұрмыстық техникалы бұйымдар сататын сауда орындарымыз Республика күніне орай «Republic day» акциясын өткізуді ұсынып отырмыз. Осы акция негізінде барлық тауарға 10 пайыздан бастау алатын жеңілдіктер қарастыру көзделген.