Қарағандыда «Saryarqa-Lab: Aqyl.Damu.Qadam» форумы өтті

Қарағанды облысында «Жастар Рухы» Жастар қанаты сапында 7 мыңға жуық ерікті бар. Олар жыл басынан бері түрлі шараға қатысып, белсенділік танытқан. Бүгін өңірде сол жастардың басын біріктірген «Saryarqa-Lab: Aqyl.Damu.Qadam» форумы өтті. 600-ге жуық белсенді қатысқан шарада заманауи цифрлық даму, экологиялық жауапкершілік және құқықтық мәдениет мәселесі талқыланды. Онымен қоса өзара тәжірибе алмасып, бір топ белсенді партия қатарына қабылданды.

Құлмұхаммет Серікғалыұлы, қатысушы:

Қазіргі замандағы техникалардың дамуы әрбір қызмет саласында, үй тіршілігінен бастап, үлкен ғарышқа дейінгі дамып жатқан технологияларға қадам басу. Жастар арасында осы IT технологияны, ЖИ дамыту, яғни сол затты түсініп, қолдана білуге міндеттіміз.