Алматыда құны 5,9 млрд теңге болатын жер мемлекетке қайтарылды

Алматыда құны 5,9 млрд теңге болатын жер мемлекет меншігіне қайтарылды. Қалалық прокуратураның хабарлауынша, 72 гектар аумақты қамтитын ауыл шаруашылығына арналған учаскеге шетелдік компания заңсыз иелік еткен. Тексеру барысында аталған жер телімдері қаланың элиталық аумағында орналасқаны белгілі болды. Сондай-ақ Жер кодексінің талаптарына қайшы пайдаланылғаны анықталды. Заңнамаға сәйкес, шетелдік субъектілерге ауыл шаруашылығы мақсатындағы жерді иеленуге тыйым салынған.