Қазақстан бойынша «Береке Fest» акциясы өтіп жатыр

Қазақстанның ірі және аймақтық сауда желілерінде «Береке Fest» акциясы өтіп жатыр. 30 қазанға дейін жалғасатын науқанға еліміз бойынша 80 сауда желісі қатысуда. Акция аясында ет, жұмыртқа, май және басқа да өнімдер белгіленген бағамен сатылады. Мәселен Алматыда сиырдың жауырыны мен төсі 3000-3300 теңгеден саудаланса, жұмыртқаның бір данасы 55 теңге. Бағдарлама өңір әкімдіктері және Ауыл шаруашылығы министрлігімен бірлесіп жүргізілуде. Өнімдер отандық өндірушілерден тікелей сауда желілеріне жеткізіліп, дүкендер әлеуметтік жауапкершілік аясында баға саясатын ұстануға міндеттелді.

Ерлан Омаров, қалалық кәсіпкерлік басқармасы басшысының орынбасары:

Дүкендердің саны 150 шамасында. Осы акцияның басты мақсаты – өзіміздің өндірушілердің тауарларының қолжетімділігі, олардың сөрелерде қолжетімділігі және басқа да тауарларға жеңілдік беруі 5-15% аралықта жеңілдік беріледі.