БҚО-да мал ұрлаған қылмыстық топ ұсталды

Батыс Қазақстан облысында жайылымнан жалпы құны 11 млн теңге болатын мал басын ұрлаған қылмыстық топ ұсталды.

 Тергеу барысында күдіктілердің бірі шаруа қожалығының басшысы екені анықталды. Ұсталғандар ұрланған малды даладағы қора-жайға айдап апарған. Жылқыны жүк көліктеріне тиеп, оңтүстік өңірлерге жөнелткен. Ал ірі қара малды өз шаруашылықтарына қосқан. Қазір полиция топ мүшелерінің жалпы сомасы 11 миллион теңгеден асатын 49 бас малды ұрлауға қатысы бар екенін дәлелдеді. Барлық күдікті қамауға алынды. Заң бойынша мал ұрлығы үшін 12 жылға дейін бас бостандығынан айыру және мүлкін тәркілеу жазасы қарастырылған.