Республика күні – ұлттық мереке

«Республика күні – елдің мемлекет құру жолындағы тарихи қадамы». Президент Қасым-Жомарт Тоқаев ұлттық мерекеге осылай сипаттама берген болатын. Халқымыз қастер тұтқан ұлық мереке бірлікке бастайды, бір арнаға тоғыстырады дейді, - ел тұрғындары.

Қарағанды

- Біз осы бір күннің қадір, қасиетін білеміз. Республика күні әрбір жасқа, тұрғындарға қасиетті сезім сыйлайды. Осы бір күннің қадірін келешек ұрпақ та білсе екен дейміз.

Ақтау

- Республика күні – біздің еліміз үшін өте маңызды күн. Бұл мереке деген біздің азаматтардың, өсіп келе жатқан ұрпақтарымызға елдікке сана сезімін арттыратын күн ғой. Біріктіретін күн. Сол үшін біз бұл мерекені дұрыстап тұрып тойлауымыз керек.

Атырау

- Енді Республика күні – ол еліміздің өсіп-өркендеу жолындағы маңызды күн деп айтуға болады. Енді жастар, яғни біз бұл күнді әрмен қарай дәріптеп, нақты бір дәстүрге айналдырсақ, еліміздің болашағы жарқын болады деп айта аламын.