Өскеменде жылу мен ыстық су 10%-ға арзандады

Өскеменде қазанның 1-інен бастап жылу мен ыстық су 10%-ға арзандады. Тұрғындар бұған дейін бір гигакалорияға 4700 теңге төлеп келсе, енді 4200 теңгеден төлейді. Тариф Табиғи монополияларды реттеу комитетінің облыстық Департаменті басшылығының бұйрығы негізінде төмендетілді. Енді «Шығыс жылу» мекемесі тұтынушылардан жаңа тарифпен есеп айырады. Өскемендіктер жылуға 2026 жылдың соңына дейін осы арзандатылған тарифпен  ақы төлейді.

Әли Әбутәліпов, Облыстық табиғи монополияларды реттеу Департаменті басшысының міндетін атқарушы:

Сараланған тарифтер, яғни, бюджеттік мекемелердің тарифінің ұлғаюы халық үшін тарифтің төмендеуі 10%. Яғни 4700 теңгеден 4200 теңге дейін төмендеді.