Басты Жаңалықтар Алматыда желшешек жұқтырғандар көбейді

Алматыда желшешек жұқтырғандар көбейді

18.10.2025 16:36

Алматыда биыл желшешек жұқтырғандар көбейді. Қалалық денсаулық сақтау басқармасының дерегінше, дерттің көрсеткіші былтырғыға қарағанда 39 пайызға өскен. Тоғыз айдың ішінде 183 бала ауруханаға жатқызылыпты.

Ал асқынғандар саны 41 пайызға артқан. Науқастардың басым бөлігі - мектеп жасына дейінгі және бастауыш сыныптағы бүлдіршіндер. Сондай-ақ, екі жақты пневмония, жедел ішек инфекциясы, құрысу синдромымен 14 бала жансақтау бөліміне жатқызылған.

Дәрігерлердің айтуынша, балалардың көбінде орталық жүйке жүйесі мен тыныс алу жолдары зақымданған. Осы ретте мамандар ауруды асқындырып алмас үшін дер кезінде медициналық көмекке жүгіну керек деп ата-аналарға кеңес береді.

Автор

Айдана Қуантхан

Бөлісу