«Ертіс орманы» резерватына 34 өрт сөндіру көлігі берілді

Павлодар облысы аумағындағы «Ертіс орманы»  мемлекеттік резерватының автопаркіне бүгін 34 көлік тарту етілді.

Жаңбырбай Тлеубердин, «Ертіс орманы» табиғи резерватының көлік жүргізушісі:

Бұрынғы машиналарымыз ескі, қирай беретін. Енді бұл орманды кейінгі ұрпаққа тапсыруға міндеттенеміз. Орманды қорғауымыз керек.

Осыдан 2-3 жыл бұрын орман алқабында жанып кеткен жерлерге қазір  жаппай ағаш отырғызылып жатыр. Жаңа техникаға қол жеткен соң өрт аса қорқынышты емес, дейді мамандар. Оның үстіне биыл  қарағайлы орманда өрт шыққан жағдайда дереу белгі беретін арнайы қондырғы орнатылған болатын.