Алматыда пластик қалдықтарды қабылдайтын құрылғы орнатылды

Алматыдағы комьюнити орталығында тұрмыстық қатты қалдықтарды қабылдайтын арнайы құрылғы орнатылды. Бастама «Таза Қазақстан» акциясы аясында жүзеге асып жатыр. Пайдаланылған пластик ыдыстарды қабылдайтын аппаратқа тұрғындар күніне 200-300 бөтелке өткізеді, - дейді еріктілер. Ал құрылғы тәулігіне 1000 бөтелкеге дейін қабылдай алады. Бұл – қоршаған ортаны қорғау, қалдық көлемін азайту және қайта өңдеуді ынталандыру мақсатында қолға алынған шара.

Бауыржан Махамбет, комьюнити орталығының басшысы:

Алматы қаласы бойынша күнделікті қалдық шығады. Оның барлығы қаладағы ауланы ластайтын полигондарға өртенеді. Сол нәрселердің барлығы полигондардағы лас ауаны азайту үшін, пластикті, қатты қалдықтарды тұрмыста қолданатын заттарды алмастыруға тырысудамыз.