«Алтай – Түркі әлемінің алтын бесігі»: ШҚО-да ғылыми конференция өткізілді

Соңғы 20 жылда Шығыс Қазақстанда жүргізілген археологиялық қазбалардың нәтижесінде табылған артефакттер ұлттық тарихымызды одан ары тереңдетті. Бүгінге дейін шығыста аспан астында бірнеше музей ашылды. «Алтай – Түркі әлемінің алтын бесігі» деген атпен халықаралық ғылыми конференция жыл сайын өткізіліп келеді. Бүгінге дейін жүздеген еңбек жарық көріп, ол ғылыми айналымға түсті. Республика күніне орай биыл ұйымдастырылған конференцияда шетелдік танымал ғалымдар баяндама жасады. Алтайдың археологиялық, мәдени, тарихи және философиялық мұраларына тың серпін беретін тұжырым мен ғылыми пайымдарын ұсынды. Конференция аясында «Ұлы дала алтыны» және «Тамыры терең Алтай – түркі жұртының негізі» атауымен екі үлкен көрме ұйымдастырылды.