Ақтөбеде құтқарушылар мереке қарсаңында марапатталды

Ақтөбеде Құтқарушылар күні қарсаңында Төтенше жағдайлар департаментінің бір топ қызметкері марапатталды. 

Төтенше жағдайлар министрлігінің құрылғанына 30 жыл толуына арналған салтанатты шара Өнер орталығында өтті. Жиын барысында жанкешті еңбегімен, ерлігімен көзге түскен, антына адал мамандарға министрлік пен облыс әкімдігінің алғыс хаттары мен медальдар табысталды. Бірқатар қызметкер жаңа шен алды. Марапатталғандардың арасында су тасқыны кезінде күн-түн демей еңбек еткен құтқарушылар мен өрт сөндірушілер де бар.

Хамит Шуданов, №4 өрт сөндіру бөлімінің қызметкері:

Әрине, біздің жұмыс өте қауіпті, қиын. Өзімнің әріптестерімнің біліктілігі, жігерлілігінің арқасында Қазақстанды, Ақтөбе облысын апаттардан сақтап келеміз. Қолдан келгенше көмектесімз.