ШҚО-да жұмысшылар арасында жазатайым оқиға азаймай тұр

Шығыс Қазақстан облысында соңғы 9 айда жұмыс орнында 9 адам мерт болып, тағы 90 маман жарақат алған. Жазатайым жағдайдың барлығы еңбек қауіпсіздігі өрескел бұзылғаннан болған. Еңбек инспекторлары оқыс оқиғаларды саралай келе, 146 жауапты тұлға тәртіптік жаза арқалап, 7 басшы жұмыстан кетті. Ал  тағы 4 лауазымды тұлға қылмыстық жауапкершілікке тартылған. Өңірдегі  өндірісте еңбек қауіпсіздігін күшейту үшін үш жақты комиссия жұмыс істейді. Комиссия «Қауіпсіз еңбек» тұжырымдамасы бойынша жол картасын түзген. Сол бойынша тоқсан сайын мониторинг жүргізіп отырады.