Сарапшы: Халықтың әл-ауқатын арттыру бағытындағы жұмыс жүйелі

Ел тұрғындарының әл-ауқатын арттыру бағытындағы жұмыс жүйелі. Биыл зейнетақы 8,5 пайызға өсті. Яғни базалық зейнетақы 32 мың теңгеге, ең төменгі зейнетақы 62 мың теңгеге жетті. Жәрдемақы көлемі де 6,5 пайызға өсті. I топтағы мүгедектігі бар адамдарға 101 мың теңге төленеді. Ал II топтағыларға 81 мың теңге, III топтағылар 55 мың теңге алады. Бұдан бөлек бала 1,5 жасқа толғанға дейін оның күтіміне байланысты төленетін ай сайынғы жәрдемақы 22 мыңнан бастап, 35 мың теңге аралығында.

Рамазан Саттарұлы, әлеуметтанушы:

Соңғы жылдардағы тұрақты көрсеткіштің бірі - ең төменгі жалақының өсуі және зейнетақының индексацияланауы. Еліміздегі импорт, экспорт көрсеткіштерінің жақсаруы әлеуметтік саланы, соның ішінде аз қамтылған отбасыларға ақшалай, басқа да материалдық көмек берудің мүмкіншілігін туғызды.