Семейде әкім сайлауында берілген дауыстар саналуда

Семейде еліміз бойынша тұңғыш рет өткен қала əкімінің сайлауынан кейін бүгін дауыс саналып жатыр. Аумақтық сайлау комиссиясының өкілдері саяси доданың нəтижесі мен халықтың қанша пайызы науқанға қатысқаны жайлы мəлімет жақын арада жарияланады деп хабарлады. Қала əкіміне үш үміткер тіркелген. Əділет Қожанбаев осыған дейін аудан əкімі қызметін атқарған. Ал Айболат Бекжасаров ресми жұмыссыз адам. Қаныш Төлеуов болса, қаладағы колледждердің бірінде директор. Үш кандидат та өзін-өзі ұсынған. Сайлау нəтижесін күткен семейіктер болашақ қала басшысына көп сенім артады.