Басты Жаңалықтар Шекара – ел егемендігінің кепілі

Шекара – ел егемендігінің кепілі

10.10.2025 19:56

Батыс Қазақстан облысында Ұлттық қауіпсіздік комитеті шекара қызметінің 2029 әскери бөлімінің құрылғанына 25 жыл толды. Республика күні қарсаңында облыстық департаментте салтанатты жиын өтті.

Егемендік жарияланып, шекара бекіген соң, оны күзететін әскери құрылымдар жасақталды. Солардың бірі еліміздің батыс қақпасы - Оралда құрылды. 2029 әскери бөлімі ширек ғасыр бойы ел тыныштығын күзетіп, шекара шебін берік қорғап келеді. Түрлі заңсыз әрекетке тосқауыл болады. Шекарашылар әрқашан жауынгерлік дайындық пен тәртіптің жоғары үлгісін көрсетіп жүр. Арнайы көрмеде қару-жарақ пен әскери техника көпшілік назарына ұсынылды. Ал салтанатты жиында жеке құрам мен сала ардагерлері құрметке бөленді. Оларға мәртебелі марапаттар мен әскери шендер табыс етілді.

Мұхтар Қанабеков, ҚР ҰҚК Шекара қызметінің облыс бойынша департаменті бастығы:

Орал өңірінде 2025 әскери бөлімінің орны бөлек. Батыс қақпасы саналатын бұл өңірдің стратегиялық маңызы жоғары. Оның басты міндеті – Ресей мен арадағы мыңдаған шақырымдық мемлекеттік шекараны күзету. Заңсыз көші-қон мен контрабанданың алдын алу. Тыныштық пен тұрақтылықты сақтау.

Автор

Ардақ Мұратқызы

Бөлісу