Ұлттық банк резервке алтын жинай бастаған

Алтын қымбаттап жатыр. Сондықтан металдың аталған түрін жаппай сатып алып жатырмыз, деді Ұлттық банк төрағасы Тимур Сүлейменов. Бүгінде елдің алтын-валюта резерві тұрақты өсіп келеді. Оның деңгейі 57 млрд АҚШ долларына жетті. Яғни, бір жыл ішінде 28 пайызға ұлғайған. Тимур Сүлейменовтің айтуынша, алтын қазір инвестициялық тауарға айналды, жақсы кіріс əкеледі. Сондықтан алтын сатып алу жалғасады. Оған қоса халық тарабынан алтын құймаларға сұраныс артқан.

Тимур Сүлейменов, ҚР Ұлттық банк төрағасы: 

Алтын қымбаттап жатыр. Осы жылдың басынан бері 50 пайызға өсті. Сондықтан біздің алтын-валюта резервіміз де 30 пайызға өсті. Өткен ай 8 тонна сатып алдық, жылына 70 тонна сатып аламыз деген жоспарымыз бар.