Республика күні – Қазақстанның мемлекеттік мәртебесінің белгісі

Республика күні – бірлік пен тәуелсіздік нышаны. Тарихқа көз жүгіртсек, Республика күні Қазақстанда алғаш рет 1990 жылдың 25 қазанында Қазақ Кеңестік Социалистік Республикасының Мемлекеттік егемендігі туралы Декларациясы қабылдануына орай бекітілген. Бұл күн ұзақ уақыт бойы мемлекеттік мереке ретінде тойланып келді. Алайда 2009 жылы қабылданған «Қазақстан Республикасындағы мерекелер туралы» Заңына өзгерістер енгізіліп, 25 қазан – Республика күні мемлекеттік мерекелер тізімінен алынып тасталды. Араға 13 жыл салып Мемлекет басшысы Қасым-Жомарт Тоқаевтың бастамасымен 2022 жылы мемлекеттік мереке ретінде қайта жаңғыртылып, ресми түрде қайта тойлана бастады.