Түркістан облысы, Созақ ауданында «Келешек мектеп» салынды

Түркістан облысы, Созақ ауданындағы Ыбырай Алтынсарин атындағы мектеп ғимараты апатты деп танылған соң, орнына жаңа білім ошағы салынды. Заманауи ғимарат білім сапасын жақсартуға ықпал етпек. 900 оқушыға арналған жаңа мектепте қазір 1300-ден астам бала екі ауысымда білім алуда. Ғимараттың басты ерекшелігі – білім беру үдерісіне барынша қолайлы жағдай жасалғаны. Кең әрі жарық сынып бөлмелері, заманауи жиһаздар мен оқыту құралдары, қауіпсіздік жүйесі және инклюзивті ортаға бейімделген инфрақұрылым – бәрі де оқушылардың сапалы білім алуына бағытталған. Білім ордасында 64 оқу кабинеті, спорт залы, акт залы және асхана толық жабдықталған.

Қазіргі таңда мектептерде үйірмелер жұмыс жасап жатыр біршама. Оның ішінде робототехника, stem-кабинеттері, домбыра, шахмат үйірмелері, қолөнер шеберханалары, осылар жұмыс жасап, оқушылар түрлі үйірмелерге белсенді тартылуда.