Өзбекстанда басшылық лауазымдағы шенділер қысқартылады

Өзбекстанда басшылық лауазымдағы шенділердің саны азаймақ. Екі мыңнан астам мемлекеттік қызметкер жұмыстан босатылады. Ел президенті тиісті жарлыққа қол қойды. Құжатқа сәйкес оңтайландыру науқаны қараша айында басталады. Бұл өзгеріске барлық салада жасанды интеллекттің енгізілуі де өз әсерін тигізіп отыр. Ең көп қысқарту су ресурстары және ауыл шаруашылығы министрліктері мен салық комитетінде жүргізіледі. Алдағы уақытта персоналды оңтайландыру жөніндегі комиссия құрылмақ. Еңбекпен қамту министрлігі мен кәсіподақтар федерациясы қысқартуға іліккен шенеуніктерге жұмыс тауып беруі тиіс. Лауазым иелерінің санын ықшамдап, керісінше қарапайым менеджерлер қатарын көбейтуге басымдық беріледі.

Мемлекеттік бағдарлама аясында жаңа жұмыс орындарын құруға көңіл бөлініп келеді. Биылдың өзінде 300 мыңнан астам жұмыс орны ашылды. Кедейшілік деңгейі бес жылда бес есеге жуық азайды.