Ең төменгі жалақы ₸99 мың теңгеге өседі

Келесі жылы ең төменгі жалақы 99 мың теңгеге өседі. Қазір оның мөлшері 85 мың теңге. Бүгін Сенат отырысында «Дамушы елдерді ерекше ескере отырып, ең төмен жалақыны белгілеу туралы конвенцияны ратификациялау туралы» заңы мақұлданды. Бұл елімізде еңбек жағдайын жақсартуға бағатталған құжат. Қазақстандағы ең төмен еңбекақы орташа айлықтың 21 пайызына, ал медиандық жалақының 30 пайызына тең. Енді оны алдағы бес жылда 50 пайызға жеткізу көзделіп отыр.