Елімізде 1,6 млн адам несиесін өтей алмай жүр

Елімізде 1 миллион 600 мыңнан астам адам несиесін өтей алмай жүр. Бұл туралы «Қарызсыз қоғам» жобасының жетекшісі Дулат Мыңбаев айтты. Тек Астанада 90 күн өтсе де қарызын төлемеген 116 мың тұрғын бар. Биыл солардың 30 пайызына қаржыгерлер мен заңгерлер дәріс оқып, қаржылық сауат негізін түсіндіреді. Айта кетсек, бүгінге дейін «Қарызсыз қоғам» жобасы аясында 16 мыңға жуық адам арнайы дәріс алды. Олардың көбі мамандардан банкроттықты қалай рәсімдеуге болатынын сұрап, кеңес алған. Нәтижесінде 10 мыңға жуық азамат соттан тыс банкроттыққа өтініш берген. 500-ден астам іс сот арқылы қаралып жатыр.