Қостанай облысы көшелеріне SOS батырмасы орнатылуда

Қостанай облысында кез келген тәртіп бұзушылықты дереу жеткізіп, полиция шақыруға мүмкіндік беретін 7 SOS батырмасы орнатылды. Олар халық көп шоғырланатын қоғамдық орындарға қойылған. Оқыс жағдай бола қалса, кез келген азамат тікелей жедел басқару орталығымен байланысып, мән-жайды жеткізе алады. Мұндай батырмалар әзірге Қостанай, Рудный, Жітіқара қаласында бар. Пилоттық жоба құқық қорғау саласын цифрландыру аясында жүзеге асып отыр.

Айдын Қуандықов, облыстық ПД ақпараттандыру және байланыс басқармасының аға инженері:

Мұндай дабыл батырмаларын қоғамдық жерлерге орнаттық. Қостанай қаласында аялдамалардың бірі мен ЖОО-ның алдында тұр. Жыл басынан бері барлығы 13 қоңырау келіп түсті. Олардың көбі тәртіп бұзғандар. Жақсы нәтиже көрсетсе, өзге аудандарға да орнатамыз.