Сирек кездесетін дертке шалдыққандарға дәрілер тегін беріледі

Енді әлем бойынша өте сирек кездесетін дертке шалдыққандарға өмір бойы тегін дәрілер беріледі. Алматы қалалық Денсаулық сақтау басқармасының мәліметінше, бұл – науқастарға мемлекет тарапынан көрсетіліп жатқан медициналық қолдаудың бірі. Тізімге ауыр дәрежедегі бронх демікпесі, псориаз, рахит, артрит, склероз, қалқанша безі мен өкпе қатері секілді 8 түрлі дертке арналған 9 қымбат дәрі-дәрмек енгізіліп, жергілікті бюджеттен қаражат бөлінді. Бұрын бұл препараттар тек ақылы түрде қолжетімді болатын.