ШҚО-да «Туған жер – Алтын бесігім» жәрмеңкесі өтті

Шығыста   «Туған жер-алтын бесігім» жобасы қайта өткізіле бастады. Әр апта сайын,  аудан өнерпаздары  өзара байқау өткізіп,  қолөнер шеберлерінің көрмесі және жәрмеңке ұйымдастырылады.Бұл жолы Өскеменге Самар ауданының өнерпаздары мен кәсіпкерлері келді. Жәрмеңкеге самарлықтар үш тоннаға жуық өнім әкелді. Ондағы баға жалпы нарықтағыдан 20-25 пайызға төмен. Мәселен картоп пен қызылшаның келісі – 200, пияз – 140 теңге, қарақұмық – 220, бұршақ – 200 теңгеден саудаланды. Ал қазір  базардағы еттің келісі түріне қарай 4500-5000 теңге болса, жәрмеңкеде 3500–3 800 теңгеден сатылды. Өнімдерін жәрмеңкеге арзанға ұсынатын кәсіпкерлерге облыс орталығынан  сауда жасайтын орын тегін ұсынылады.