Павлодар облысында крахмал зауытын салатын инвестор жоқ

Павлодарда крахмал зауытын салатын инвестор табылмай тұр. Бес жыл бұрын жобаны ұсынып, жергілікті халықпен қоғамдық тыңдау өткізген компания  әуелгі ойынан бас тартқан. Есесіне Павлодар облысында  картоп егетін  алқап  жыл сайын ұлғайып келеді. Биыл өңір млн тоннаға жуық картоп жинады. Алайда, аймақта бұл көкөніс түрін қайта өңдейтін бірде бір зауыт жоқ. Сондықтан фри және чипс шығаратын кәсіпорын салу жоспарда бар.  

Әйгерім Қабылтаева, Павлодар облысы әкімінің орынбасары:

«Чипс өңдеу зауыты мен картоптан фри жасау зауыттары қарастыруда. Қазіргі таңда инвестор дайын, барлық керек құжаттар әзірленуде. Крахмаль зауыты бойынша қазір біз инвесторды іздеп жатырмыз. Бұрынғы инвесторлар қазіргі таңда өз міндеттерін орындамай келе жатыр».

Павлодарда  іске аспай келе жатқан тағы бір инвест жоба  - қант зауыты. Құны 130 млрд теңге тұратын жоба  іске асса, тәулігіне 8 мың тонна қант қызылшасы өңделмек. Алайда, бұл жоба мемлекеттік сараптамадан әлі өткен жоқ.