Қарағандыдағы грек мәдени орталығының ашылғанына 30 жыл

Қарағанды қаласында грек мәдени орталығының ашылғанына 30 жыл. Бұл мерейтой Қазақстан халқы Ассамблеясының 30 жылдығымен тұспа-тұс келді. Мерекелік шараға өңірлерден этномәдени орталық өкілдері келді. Қазақстанда шамамен 11 мың грек ұлтының өкілі тұрады, оның екі мыңнан астамы Қарағанды облысында. Олардың айтуынша, грек мәдени орталығы тек тіл мен дәстүрді насихаттап қана қоймай, осы уақыт аралағында Ассамблеяның белсенді серіктесіне айналып, мәдени, білім беру және әлеуметтік бастамаларға үлес қосып келеді.

Марат Әзілханов, Қазақстан халқы Ассамблеясы төрағасының орынбасары:

Отыз жыл ішінде Понтос беделді этнобірлестікке айналып, жас ұрпақты тарихы мен салт-дәстүріне құрметпен қарауға және отанымызды шынайы сүйіспеншілікпен тәрбиелейтін мектепке айналды.