Биыл 10 млн тоннадан аса астық экспортталады

Елімізде ауыл шаруашылығының өнімділігі артып келеді. Биыл 10 млн тоннадан астам астық экспортталады деп болжанып отыр. Көрсеткіш былтырғы кезеңмен салыстырғанда 55%-ға жоғары. Қостанайға барған Ауыл шаруашылығы вице-министрі Азат Сұлтановтың айтуынша, мұндай нәтиже инновациялық технологияларды кеңінен қолданудың арқасында болып отыр.

Азат Сұлтанов, Ауыл шаруашылығы вице-министрі:

Озық технологияларды ауыл шаруашылығы саласының кәсіпкерлері кеңінен қолданып жатыр. Біздің міндет – ішкі нарықты отандық өніммен қамтамасыз ету. Оның ішінде ет, құс еті, сүт өнімдеріне ден қойылып отыр. Бұл салада Қостанай өңірінің үлесі зор.