Мектеп директорларының тапшылығы 3 есе азайды

Елімізде мектеп директорларының тапшылығы 3 есе азайды. Бұл көрсеткішке «Білім берудегі өзгерістердің 1000 көшбасшысы» жобасы арқылы қол жеткізілген. Президенттік жастар кадр резервінің үлгісінде жасалған жоба нәтижесінде 2023-2024 жылдары 583 педагог резервист атанды. Биыл тағы 428 үміткер оқудан өтті. Іріктеуден сәтті өткен мамандар мектептердегі бірінші басшының бос орнына конкурссыз тағайындалады. Бүгінге дейін 400-ден аса директор осы осы жоба бойынша жұмысқа тұрған. 40 Келешек мектебін де жоба қатысушылары басқарып отыр.