Павлодар облысында үй құстары қырылып қалды

Павлодар облысында үй құстары қырылып жатыр. Өңірдегі 4 ауданда қанаттылар жаппай өліп жатқанын мамандар да растады. Әзірге нақты себебі белгісіз. Сондықтан мамандар дезинфекциялық шараларды әлі бастай алмай отыр. Облыстық Ветеринария басқармасының мәліметіне қарағанда қанаттылар жабайы құстарды атуға рұқсат берілгеннен кейін өле бастаған.

Ғалым Бейсенов, облыстық Ветеринария басқармасының бөлім басшысы:

Өткен жұмада ветеринария бойынша референдтік орталықтан мамандар келіп, сол жабайы құстардың да сынамаларын зерттеуге алды. Бірақ әлі күнге дейін нәтижесі келген жоқ. Облыс бойынша өлген құстың саны 1,5 мыңға дейін жетеді.