«Достық – Мойынты» экономикаға серпін береді

«Достық-Мойынты» теміржолының құрылысына пайдаланылған қазақстандық тауарлардың үлесі 85 пайызға жетті. Бұл туралы Президенттің көмекшісі – Баспасөз хатшысы Руслан Желдібай хабарлады. «Президент Қасым-Жомарт Тоқаев салтанатты іс-шарада сөйлеген сөзінде аталған бағыт бойынша көлік қатынасының басталуын тарихи оқиға деп бағалады. Шын мәнінде, стратегиялық жобаның сәтті жүзеге асуы ел экономикасына зор серпін береді. Қазақстан Еуразиядағы маңызды көлік-транзит хабы ретіндегі позициясын нығайта түседі. Мемлекет басшысының транзиттік әлеуетімізді кеңейту жөніндегі тапсырмасын жүзеге асыру жалғасады.» - деп жазды ол телеграм арнасында.