«Достық – Мойынты» теміржол желісі арқылы жүк тасымалы 5 есе ұлғаяды

«Достық – Мойынты» темір жолының екінші желісін өз күшімізбен өте қысқа мерзім ішінде жүзеге асырдық». Мемлекет басшысы биыл Жолдауында осылай деп, бұл жолдың мән-маңызы ерекше екенін айтқан еді. Себебі бұл жоба «Шығыс – Батыс» бағытының жүк өткізу мүмкіндігін айтарлықтай арттыра түседі. Президент мұнымен тоқтап қалмай, «Бақты-Аягөз», «Қызылжар-Мойынты» жобаларын уақтылы жүзеге асыруды тапсырған. «Достық – Мойынты» теміржол желісі Қазақстан арқылы тасымалданатын жүк көлемін әлдеқайда ұлғайтуға мүмкіндік береді дейді, - «Қытай теміржолдары» мемлекеттік корпорациясы бас директорының орынбасары Ван Лисинь.

Ван Лисинь, «Қытай теміржолдары» мемлекеттік корпорациясы бас директорының орынбасары:

Біз Орталық Азия мен Қытай арасындағы логистикалық дәліздерді дамытуға әзірміз. Бұл бағытта Қазақстанның әлеуеті жоғары. Сондықтан «Бір белдеу, бір жол» және «Жаңа жібек жолы» жобалары аясында логистикалық дәліздерді салып, бірге қолдану арқылы экономиканы ілгерілетуге жақсы мүмкіндік бар.