Алатау қаласын дамыту үшін арнайы кеңес құрылады

Алатау қаласын дамыту туралы арнайы кеңес құрылады. Ол стратегиялық шешімдер қабылдап, басқару және реттеу жұмыстарын мойнына алады. Ал операциялық қызметтерге «Alatau City Assorti» деген атаумен құрылатын мемлекеттік қор жауапты болады. Осылайша Президенттің қаланы ерекше институционалдық орталық ретінде дамыту тапсырмасы жүзеге асырылмақ.

Бекжан Қисанов, ҚР Ұлттық экономика министрлігі департамент директорының орынбасары:

Бұдан басқа жарлықпен Алатау туралы Конституциялық заң жобасын әзірлеу көзделген. Ол, біріншіден, жергілікті мемлекеттік басқару органдарының құрылымы мен өкілеттіктерін айқындауды, халықаралық құрылыс регламенттерін, техникалық регламенттерді, сертификаттау рәсімдерін реттеуді көздейді.