«Реал» клубының баспасөз конференциясы өтеді

Қазір Алматыдағы Орталық стадионда «Реал» клубының баспасөз конференциясы өтеді. 

Азамат Бейбітұлы, тілші:

Иә, бұған дейін «Қайрат» клубының бас бапкері Рафаэль Уразбахтин мен қорғаушы Егор Сорокин баспасөз мәслихатына қатысып, журналистердің сұрақтарына жауап берді. Бас бапкердің айтуынша, құрама алдағы тарихи матчқа тас-түйін дайын. Енді қазір «Реал Мадрид» клубының бас бапкері Хаби Алонсо мен жартылай қорғаушы Федерико Вальверденің қатысуымен баспасөз мәслихаты басталады. «Реал Мадридтің» дайындығы, жоспары жайлы ақпараттар айтылады деп ойлаймыз. Ол жайлы алдағы эфирде толыққанды баяндаймыз.

Айта кетейік, тарихи матч ертең осы Алматының Орталық стадионында болады. Матчты «Qazaqstan» және «Qazsport» телеарнасы тікелей эфирде көрсетеді.