«Реал Мадрид» ойыншылары орналасқан аумақта қауіпсіздік күшейтілді

«Қайрат» пен «Реал Мадрид» арасындағы ойынға байланысты Алматыда ерекше атмосфера қалыптасып жатыр. Әлемнің түкпір-түкпірінен келген жанкүйерлер футбол жұлдыздарын көруге асық. «Реал Мадрид» ойыншылары орналасқан қонақ үй маңында қауіпсіздік шаралары күшейтілген. 

Айдана Қуантхан, тілші:

Біз қазір «Реал Мадрид» командасының ойыншылары тұрақтаған қонақ үйдің алдында тұрмыз. Кеше бұл маңға мыңдаған жанкүйер жиналып, футболшылардың келуін асыға күтті. Ал бүгін қонақ үй аумағында қауіпсіздік шаралары күшейтіліп, полицейлер қоршау қойған. Десе де әлемдік деңгейдегі футболшыларды көруге асыққан жанкүйерлердің қарасы қалың.

Қауіпсіздік мақсатында полиция тәртіпті қадағалап, артық адамдардың қонақ үй аумағына өтуіне шектеу қойды. Бұл шаралар ойыншылардың тыныштығын қамтамасыз етіп, матч алдындағы дайындыққа кедергі келтірмеу үшін жасалып отыр.