Павлодар облысында наубайхана кәсібі қарқынды дамып келеді

Павлодар облысында  наубайхана кәсібі қарқынды дамып келеді. Оның бір себебі республика бойынша  қамырлылығы аса жоғары бидай осы өңірде өсіріледі. Қалада  жарты млн адам еңбек ететін алып кәсіпорын бар. 

Болат Аманбаев, тілші: 

Бір кездері  бұл кәсіпорынды 10-ақ адам бірігіп, нан пісіруді бастаған. Ал қазір мұнда 500-ге жуық адам жұмыс істейді. Күндіз-түні тоқтаусыз еңбек ететін жандар  мыңға жуық өнім түрін шығарады. Оларды Астана, Алматы, Қарағанды, Екібастұз, Ақсу қалаларына дейін жібереді. Міне, көріп отырсыздар,  ас атасы нанның  өзінің 20-ға жуық түрі пісіріледі. Ең бастысы осындағы жұмыскерлердің қайсысынан сұрасаңыз да еңбек өтілі бес жылдан кемі жоқ. Алды 25 жылдан аса еңбек етіп жатқандар. 
Ертіс-Баян өңірінде бүгінде 69 наубайхана мен 30 дан аса кондитерлік цех жұмыс істеп тұр. Олар тәулігіне 74 мыңнан астам бөлке нан пісіреді екен. Облыс жұртшылығын  нанмен қамтамасыз ету үшін күніне 30 тоннаға жуық ұн кетеді. Сонда 700 мың халық тұратын  облыс айына 2 млн 200 бөлке нан жейді екен. Тағы бір ерекшелігін айтайын, наубайханадағы негізгі жұмыс  адам қолымен жасалады. Яғни, қарапайым еңбек адамының маңдай тері ақтарылатын жер.