5 жылға сотталған Саркози апелляциялық сотқа шағымданбақ

Францияның бес жылға сотталған экс-президенті Николя Саркози өзіне тағылған кінәні «саяси астары бар» деп атады. Және де ол аппеляциялық сотқа шағым түсіретінін мәлімдеді. Париж соты 70 жастағы Саркозиге қатысты үкімді бейсенбі күні жариялады. Бірақ Саркози сот залында тұтқындалған жоқ. Тәртіп бойынша Францияның бұрынғы лидері алдағы бір ай ішінде прокуратураға шақырылып, түрмеге қамалады. Айта кетсек, Николя Саркози 2007 жылы өзінің сайлау науқанын қаржыландыру үшін Ливия диктаторы Муаммар Каддафиден миллиондаған еуро заңсыз ақша алды деген айыппен сотталып отыр.